الهالات السوداء للعين

يوجد 3 حلول لعلاج الهالات السوداء الهالات السوداء واحدة من أوضح العلامات في الوجه، و اللي بتقلل من نضارة بشرتك و جمال وجهك، وبتديكي عمر أكبر وبتظهرك بملامح زعل أو إرهاق كبير جدًا. و لأننا بنهتم بكل تفاصيل جمالك بنحل مشكلة الهالات السوداء وحسب مصادر عالمية اكدت ان نسبة الهالات السوداء عند النساء بشكل عام حوالي 53% اما عند الرجال فهي تمثل 51% يعني تقريبا 1 من كل 2 عندهم المشكلة دي وعلشان كده بنتكلم عنها بشكل مفصل وعن حلولها الطبية زي:

الفيلر Filler
في حالة وجود تجويف حول العين وبالتالي الرموش بتعمل ظل على الجزء المُجوف ده وبيكون لونه أسود. في الحالة دي بنعمل فيلر وبنحقن المنطقة دي عشان ميكونش فيه مكان للتجويف ده وبالتالي تختفي الهالات السوداء اللي حوالين عينك.

التقشير Peeling
في حالة إن الجلد نفسه لونه أسود، وده معناه إن الجلد نفسه محتاج يتشال من عليه طبقة عشان يرجع لنضارته وشكله الطبيعي تاني، في الحالة دي بنعمل peeling أو تقشير لطبقة الجلد عشان نتخلص من الطبقة دي و بيظهر الجلد الجديد بلون أفتح و شكل أفضل بدون الهالات السوداء.

الكاربوكسي Carboxy
وهو إجراء تجميلي غير جراحي نعتمد فيه على حقن الجزء الغامق مما يؤدي لتدفق الاكسجين تحت العين و الرجوع للون الطبيعي مرة تانية

الميزوثرابي او الخلايا الجذعية
تستخدم مع الديرما بن او الحقن المباشر تحت سطح الجلد وتعمل علي معالجة الاسمرار تحت العين بتكرار الجلسات